ކީރިތި ޤުރުއާން ހިތުދަސްކޮށް ޙާފިޡުކަމުގެ ސަނަދު ޙާސިލްކުރި 31 ހާފިޡުންނަށް، ޙާފިޡުކަމުގެ ސަނަދު ދެއްވައިފިއެވެ.
މިކަމަށްޓަކައި އާދިއްތަ ދުވަހުގެ ރޭ އިސްލާމީ މަރުކަޒުގެ ޖަލްސާކުރާ މާލަމުގައި ބޭއްވުނު ޚާއްސަ ރަސްމިއްޔާތު ޝަރަފްވެރިކޮށްދެއްވީ ރައީސުލްޖުމުހޫރިއްޔާ ޑރ. މުޙައްމަދު މުޢިއްޒުގެ ދެކަނބަލުންނެވެ. މި ރަސްމިއްޔާތުގައި ދައުލަތުގެ ވަޒީރުންނާއި އިސްލާމީކަންތައްތަކާ ބެހޭ ވުޒާރާގެ އިސްވެރިންނާއި ކީރިތި ޤުރުއާނާއި ބެހޭ ޤައުމީ މަރުކަޒުގެ އިސްވެރިން ވަނީ ބައިވެރިވެލައްވާފައެވެ.
ކީރިތި ޤުރުއާން ހިތުދަސްކޮށް ޙާފިޡުކަމުގެ ސަނަދު ޙާސިލްކުރި ޙާފިޡުންނަށް ސަނަދު ދެއްވީ ރައީސުލްޖުމުހޫރިއްޔާ ޑރ. މުޙައްމަދު މުޢިއްޒުއެވެ. މީގެ އިތުރުން މި ރަސްމިއްޔާތުގައި ޙާފިޡުންނަށް ރައީސުލްޖުމުހޫރިއްޔާ ދެއްވާ މެޑެއްޔާއި ޚާއްސަ އިނާމު 50 ހާފިޡުންނަށް ދެއްވާފައިވެއެވެ. މިއީ ޙާފިޡުންގެ ދަސްވެނިވުމުގެ ރަސްމިއްޔާތުގައި މެޑެއްޔާއި އިނާމު ދެއްވި ފުރަތަމަ ފަހަރުކަން ފާހަގަކޮށްލެވެއެެވެ.
މިއަހަރަކީ ރާއްޖޭގެ ތާރީޚުގައި އެންމެ ގިނަ ޙާފިޡުން ދަސްވެނިވި އަހަރުކަން އިސްލާމީކަންތައްތަަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ވަނީ ފާހަގަކުރައްވާފައެވެ. ރޭ ދަސްވެނިވި 31 ޙާފިޡުންނާއެކު ރާއްޖޭގައި މިވަގުތު ތިބި ހާފިޡުންގެ ޢަދަދަކީ 301 އެވެ
ރިއެކްޓް އަދި ކޮމެންޓް ކުރެއްވުމަށް
