ާ ކޯޗު ޒަބީ އަލޮންސޯގެ އިރުޝާދުގެ ދަށުން ޕްރިމިއާ ލީގުގެ މި ސީޒަނުގައި ޗެލްސީން ފުލަމް އާއި ދެކޮޅަށް ކުޅުނު ފުރަތަމަ މެޗު ފެށުނީ ވަރަށް އުއްމީދީ ގޮތަކަށެވެ.
މިދިޔަ ސީޒަނުގައި އަނިޔާގެ ސަބަބުން ކުޅުމާ ދުރުގައި ހުރި ޕާމާ މެޗްފަށައިގެން މެޗްގެ 31 ވަނަ ސިކުންތުގައި ދިން ބޯޅައަކުން، ޕެޑްރޯ ވަނީ ފުލަމްގެ ގޯލްކީޕަރުގެ ބޯމަތިން ބޯޅަ ފޮނުވާލައިގެން ޗެލްސީއަށް ކުރިހޯދައިދީފައެވެ.
މިއީ ޕްރިމިއާ ލީގުގެ 34 އަހަރުވީ ތާރީޚުގައި، ސީޒަނުގެ ފުރަތަމަ ހަފުތާގެ މެޗެއްގައި މިހާ އަވަހަށް ޖެހި ފުރަތަމަ ގޯލެވެ.
އެހެންނަމަވެސް މެޗުގެ 24 ވަނަ މިނެޓުގައި ޖޯޝް ކިންގް ވައްދާލި ލަނޑުން ފުލަމްއިން ނަތީޖާ ހަމަހަމަކޮށް، އެ ޓީމުގެ ސަޕޯޓަރުންނަށް އުފާވެރިކަން ގެނެސްދިނެވެ.
މިމެޗްގެ 41 ވަނަ މިނެޓުގައި ޗެލްސީއާ އަލަށް ގުޅުނު ދެ ކުޅުންތެރިންގެ ހުނަރުވެރިކަން ފެނިގެންދިޔައެވެ. ސެންޓްރަލް ޑިފެންޑަރު މެކްސެންސް ލަކްރޮއާ ކަނާތްފަރާތުން ބޯޅަ ދިފާއީ ކުޅުންތެރިން ކައިރިން ނައްޓާލުމަށްފަހު ދިން ބޯޅަ، 117 މިލިއަން ފައުންޑުގެ ރެކޯޑު އަގަކަށް އެ ޓީމަށް ގެނައި ރޮޖާސް ވަނީ ގޯލުގެ ތެރެއަށް ބޯޅަ ފޮނުވާލައިގެން ޗެލްސީއަށް ދެވަނަ ފަހަރަށް ލީޑް ހޯދަދީފައެވެ.
އަދި ޗެލްސީގެ 3 ވަނަ ލަނޑު ދެވަނަ ހާފު ފެށިގެން ހަތަރުވަނަ މިނެޓުގައި ޕެޑްރޯ ތަނަވަސްކޮށްދިން ފުރުސަތަކުން ޕާމާ ވަނީ ކާމިޔާބުކޮށްފައެވެ. މިއީ ވޯލްޑް ކަޕަށް ދިޔަ އިންގްލެންޑް ސްކޮޑުން ފުރުސަތު ނުލިބުނު ނަމަވެސް، އޭނާގެ ކުޅުން ކުރިއަށްވުރެ ރަނގަޅުވެފައިވާކަން ހާމަކޮށްދިން ގޯލެކެވެ.
"އަނިޔާގެ ސަބަބުން މިދިޔަ ސީޒަނަކީ އުނދަގޫ ސީޒަނެއް. އެކަމަކު ޗުއްޓީ ދުވަސްވަރުން ފެށިގެން އަލުން ޓީމާ ގުޅުނު ފަހުންވެސް އަހަރެން ވަރަށް ބުރަކޮށް މަސައްކަތްކުރިން،"
ސްކައި ސްޕޯޓްސްއާ ވާހަކަދައްކަމުން ޕާމާ ބުންޏެވެ.
"އަނިޔާތަކުން ސަލާމަތްވުމަށް ކޮންމެ ދުވަހަކުވެސް އިތުރު މަސައްކަތްތަކެއް ކުރަންޖެހޭ. އަހަރެންގެ ކިބައިގައި ހުރި ހުނަރު އަހަންނަށް އެނގޭ، އެހެންވީމާ މިފަދަ ކުޅުމެއް ދެއްކޭނެކަމުގެ އިތުބާރު އެބައޮތް."
ޕާމާ އިތުރަށް ބުންޏެވެ.
ޗެލްސީން 3 ވަނަ ލަނޑު ކާމިޔާބުކުރިތާ މާގިނައިރުތަކެއް ނުވެ ރެއާލް މެޑްރިޑުން ފުލަމްއާ ގުޅުނު ގޮންޒާލޯ ގާސިއާ، އޭނާ ފުލްހަމަށް ކުޅުނު ފުރަތަމަ މެޗުގެ 54 ވަނަ މިނެޓުގައި ބޮލުން ޖެހި ބޯޅައަކުން ފުލަމްގެ 2 ވަނަ ލަނޑު ކާމިޔާބުކޮށްދީފައެވެ. މިލަނޑަކީ ޗެލްސީގެ ކީޕަރު ސަންޗޭޒް އަތުގައި ޖެހިފައި ނުކުތް ބޯޅައަކުން ގޮންޒާލޯ ގާސިއާ ކާމިޔާބުކުރި ލަނޑެކެވެ.
އަދި މީގެ އިތުރަށް މެޗްގެ 78 ވަނަ މިނެޓުގައި ފުލަމްގެ އެންޓަނީ ރޮބިންސަނަށް ނަތީޖާ ހަމަހަމަކުރަން ރަނގަޅު ފުރުސަތެއް ލިބުނު ނަމަވެސް، އޭނާ ފޮނުވާލި ބޯޅަ ދިޔައީ ގޯލާ އަމާޒުނުވެ ބޭރަށެވެ.
މިމެޗް ނިމިގެން ދިޔައީ ދެޓީމުކުރެ ޓީމަށް އިތުރު ލަނޑެއް ކާމިޔާބު ނުކުރެވި 3 ލަނޑު 2 ލަނޑުން ޗެލްސީ މޮޅުވެގެންނެވެ.
ޗެލްސީއާއިފުލަމް ބައްދަލުކުރިމެޗްގެ ތެރެއިން :
ރިއެކްޓް އަދި ކޮމެންޓް ކުރެއްވުމަށް
