ގަދަވަޔާއެކު މީދޫ ގެއެއްގެ ފުރާޅު އެއްލާލައިފި

މިހާރު ރާއްޖެއަށް ކުރަމުންދާ ވިއްސާރައިގައި ރޭ މީދޫއަށް ވައިގަދަވެ ގެއެއްގެ ފުރާޅު އެއްލާލައިފި އެވެ.

އެއްލާލައިފައިވަނީ " އުނިމާގޭގެ"  ފުރާޅެވެ. ވީއޯއެމް އަށް މައުލޫމާތުދެމުން އުނިމާގޭ ފަރާތުން ވާހަކަ ދެއްކި މީހަކު ބުނީ ފުރާޅު މަރާމާތު ކުރުމުގައި ކައުންސިލްގެ އެހީތެރިކަން ހޯދުމަށް ކައުންސިލަށް މިމައްސަލަ ހުށަހަޅާފައިވާކަމަށެވެ.

" ކައުންސިލުންއެންގީ ފޮޓޯ ނަގާފައި ފޮނުވުމަށް ، މިހާރު ވާނީ ފޮޓޯ ފޮނުވިފައި " އުނިމާގޭ ފަރާތުން މައުލޫމާތު ދިން މީހާ ބުނެފައިވެއެވެ.

ރޭ ގަދަ ވަޔާއެކު ފުރާޅު އެއްލާލި އުނިމާގެއަކީ ބަގްލާޝް މީހުން ދިރިއުޅެމުން އަންނަގެއެކެވެ. ފުރާޅުއެއްލާލި ނަމަވެސް އެގޭގައި އުޅެމުންދާ މީހަކަށް ގެއްލުމެއް ލިބިފައިނުވާކަމަށް މައުލޫމާތު ލިބިފައިވެއެވެ .

ރިއެކްޓް އަދި ކޮމެންޓް ކުރެއްވުމަށް