ކުރިއަށް އޮތް ލޯކަލް ކައުންސިލް އިންތިޚާބުގައި މީދޫ ދާއިރާގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރުކަމަށް ވާދަކުރައްވާ މަރިޔަމް ޝަމާއަކީ، އަމިއްލަ މަސައްކަތުން ކުރިއަރަމުން އަންނަ، ރަށުގެ އިޖުތިމާއީ އަދި އިޤްތިޞާދީ ކުރިއެރުމަށް ލޯބިކުރައްވާ ކަނބަލެކެވެ.
މާލޭގެ ގަލޮޅު މަދަރުސާއިން ތަޢުލީމު ހާސިލްކުރެއްވުމަށްފަހު، ޝަމާ އިޚްތިޔާރުކުރެއްވީ އުފަން ރަށުގައި ދިރިއުޅުން ބިނާކުރުމަށެވެ. ރަށަށް އޮތް ލޯތްބެއްގެ ބޮޑުކަމުން ރަށަށް ދިރިއުޅުން ބަދަލުކޮށް، އެންމެ ފުރަތަމަ ފެއްޓެވި މަސައްކަތަކީ ގަސް ހައްދައިގެން ގަހުގެ ވިޔަފާރި ކުރުމެވެ. މީގެ އިތުރުން ރަށުގެ ކުޅިވަރުގެ އެކި ހަރަކާތްތަކުގައި ޝަމާއަކީ އަބަދުވެސް އިސް ސަފުގައި ހަރަކާތްތެރިވާ ފާހަގަކޮށްލެވޭ ފަރާތެކެވެ.
"ޗޭނު" ޖަމްއިއްޔާގެ މެންބަރެއްގެ ގޮތުގައި ހުރެ، ރަށުގައި ބޭއްވުނު ސާބޫނު ހަދަން ދަސްކޮށްދޭ ކޯހަކުން ލިބުނު ހުނަރާއެކު، ޝަމާ މިހާރު ވަނީ ވިޔަފާރިއެއް ފަށާފައެވެ. އެއީ "ޗޭނު" ޖަމްއިއްޔާއާއި " އައިލެންޑްއެޕޮތަރކެރީ " ގެ ފުރިހަމަ އެހީތެރިކަމާއެކު، ފަށާފައިވާ ވިޔަފާރިއެކެވެ.
މި މަސައްކަތުގެ ނަތީޖާއެއްގެ ގޮތުން، އެ ފަރާތުން އުފައްދާ ކާށިތެލާއި އަމިއްލަ އަތުން ތައްޔާރުކުރާ ނެޗުރަލް ސާބޫނަށް ވަނީ "ISO" ސެޓިފިކޭޝަން ލިބިފައެވެ.
މި ތަކެތި މިހާރު ދަނީ ރާއްޖޭގެ އެކި ރިސޯޓްތަކަށާއި ލޯކަލް މާކެޓަށް ސަޕްލައި ކުރަމުންނެވެ. ޝަމާގެ އަމާޒަކީ މި ވިޔަފާރި އިތުރަށް ބޮޑުކޮށް، އިތުރު މީހުންނަށް ތަމްރީނު ދީގެން މި ދާއިރާއަށް ނެރުމެވެ.
މީގެ އިތުރުން، ރަށުން ލިބޭ ގުދުރަތީ ތަކެތި ބޭނުންކޮށްގެން ތިރީގައި ދަންނަވާފައިވާ ތަކެތި ވަރަށް އަވަހަށް ތައްޔާރުކުރުމަށް ވަނީ ހަމަޖެހިފައެވެ.
# ހާބަލް އޮއިލް އަދި ހާބަލް ޓީ
# އެރޯމާތެރަޕީ އުފެއްދުންތައް
# ޕޮޓްޕޫރީ، ބާމް އަދި ލޯޝަން
މީގެ އިތުރަށް ޗޭނު" ޖަމްއިއްޔާގެ ބޯޑު މެންބަރެއްގެ ހައިސިއްޔަތުން ރަށުގެ އިޖުތިމާއީ ގިނަ ކަންތައްތަކެއްގައި ޝަމާ ދަނީ ބައިވެރިވަމުންނެވެ. ވަކިން ހާއްސަކޮށް، ރަށުގެ ޕާކުތަކަށާއި ގެސްޓް ހައުސްތަކަށް އަމިއްލައަށް ގަސް ހައްދައި ހަދިޔާކުރުމަކީ ޝަމާ ނުހަނު ލޯތްބާއެކު ކުރަމުންދާ ކަމެކެވެ.
މަރިޔަމް ޝަމާއަކީ ހީވާގި، މަސައްކަތްތެރި، އަދި އަމިއްލަ ފައިމައްޗަށް ތެދުވެގެން ތިބި ކަނބަލުން ބާރުވެރިކުރުވުމަށް ލާމަސީލު ނަމޫނާއެކެވެ. މީދޫ ދާއިރާގެ އަންހެނުންގެ ތަރައްޤީއަށްޓަކައި މިފަދަ ޤާބިލު ބޭފުޅަކު WDC އަށް ހޮވުމަކީ ދާއިރާގެ ކުރިއެރުމަށް ލިބޭނެ ވަރަށް ބޮޑު ބާރެކެވެ.
#MeedhooDhairaa #WDCSelection #EmpoweringWomen #VoteForShama #LocalCouncilElection
ރިއެކްޓް އަދި ކޮމެންޓް ކުރެއްވުމަށް
