ހުޅުދޫ ކައުންސިލުން އިސްނަގައިގެން އެ ރަށުގައި ކުރިއަށްގެންދާ ސިލްސިލާ ދީނީ ދަރުސްތަކުގެ ތެރެއިން، މި ހަފްތާގެ ދަރުސް މިއަދު ބޭއްވުމަށް ހަމަޖެހިއްޖެއެވެ.
މިއަދު، 9 އޮކްޓޯބަރު 2026 ވާ ހުކުރު ދުވަހުގެ މަޣުރިބު ނަމާދަށްފަހު ބޭއްވުމަށް ހަމަޖެހިފައިވާ މި ދަރުސް އޮންނާނީ ހުޅުދޫ މަސްޖިދުލް ވަޙްދާގައެވެ.
ރައްޔިތުންގެ ދީނީ ހޭލުންތެރިކަން އިތުރުކުރުމުގެ މަޤްޞަދުގައި ބާއްވާ މި ދަރުސް ޚާއްޞަކޮށްފައިވަނީ އިސްލާމީ މުޖުތަމަޢަކަށް ނުހަނު މުހިންމު މައުޟޫޢެއް ކަމުގައިވާ "ޙަލާލު ގޮތުގައި މުދާ ހޯދުމާއި އިސްރާފު ނުކުރުން" މި މައުޟޫޢުގެ މައްޗަށެވެ.
މި ސިލްސިލާގެ އެހެން ދަރުސްތަކެކޭ އެއްފަދައިން، މިއަދުގެ ދަރުސްވެސް ދެއްވުމަށް ހަމަޖެހިފައިވަނީ ދީނީ ޢިލްމުވެރިޔާ އައްޝައިޚް މުޙައްމަދު ޠައްޔިބެވެ. ޝައިޚްގެ މި ދަރުސްގައި ދިރިއުޅުމަށްޓަކައި ތަކެތި ހޯދުމުގައި އިސްލާމްދީނުގައި ކަނޑައަޅުއްވާފައިވާ މިންގަނޑުތަކާއި، ދެއްވި ނިޢުމަތްތައް ހެޔޮގޮތުގައި ބޭނުންކޮށް އިސްރާފުކުރުމުން ދުރުހެލިވުމާ ގުޅޭގޮތުން އަގުހުރި މަޢުލޫމާތުތަކެއް ޙިއްޞާކުރައްވާނެއެވެ.
ހުޅުދޫ ކައުންސިލުން ވަނީ މި ދަރުސް އަޑުއެއްސެވުމަށާއި، މަޣުރިބު ނަމާދުގެ ޖަމާޢަތުގައި ބައިވެރިވެވަޑައިގަތުމަށްޓަކައި ވީހާވެސް ގިނަ އަދަދެއްގެ ރައްޔިތުން މަސްޖިދުލް ވަޙްދާއަށް ވަޑައިގެން ދެއްވުމަކީ ނުހަނު އެދެވިގެންވާ ކަމެއް ކަމުގައި ފާހަގަކޮށް، އެންމެހައި ލޮބުވެތި ރައްޔިތުންނަށް މި ދަރުސްގައި ބައިވެރިވުމަށް ދަޢުވަތު އަރުވާފައެވެ.
ރިއެކްޓް އަދި ކޮމެންޓް ކުރެއްވުމަށް
