އަޅުގަނޑުމެންގެ ތެރެއިން ކޮންމެ މީހަކުވެސް ހަޔާތުގެ އެކި ދުވަސްވަރު ތަފާތު ތަޖުރިބާތައް ކުރާނެއެވެ. އެއީ ތަޢުލީމީ ދާއިރާގައި ވިޔަސް، ވަޒީފާގެ މާޙައުލުގައި ވިޔަސް، ނުވަތަ އާއިލީ ދިރިއުޅުމުގައި ވިޔަސް މެއެވެ. މިފަދަ ކޮންމެ މާޙައުލެއްގައިވެސް އަޅުގަނޑުމެންނަށް ފެނިގެންދަނީ ބައެއް މީހުން އަޅުގަނޑުމެންނާމެދު ނުރުހުން ފާޅުކުރާ މަންޒަރެވެ. އެބައިމީހުންގެ ނުރުހުމުގެ ލޮލުން އަޅުގަނޑުމެން ކުރާ ކޮންމެ ކަމެއްގައިވެސް އައިބު ފެންނާނެއެވެ.
މިސާލަކަށް، ދެ އަންހެނުންގެ މެދުގައި ދެބަސްވުމެއް އުފެދިއްޖެނަމަ، އޭގެތެރެއިން އެކަކު އަނެކަކަށް ކިތަންމެ ރަނގަޅު ކަމެއް ކުރިޔަސް، ނުރުހުން އޮތް ފަރާތަށް އެކަމުގައި އައިބު ފެންނާނެއެވެ. ކާނާ ތައްޔާރުކުރުމުގައި ވިޔަސް، ގޭތެރެ ސާފުކުރުމުގައި ވިޔަސް، ދަރިން ބެލެހެއްޓުމުގައި ވިޔަސް މިފަދަ ކޮންމެ ކަމެއްގައިވެސް ކުށް ހޯދައި، އެކަން ފާޅުކުރުމަށް މަސައްކަތްކުރާނެއެވެ.
ވަޒީފާގެ މާޙައުލަކީ އަޅުގަނޑުމެން ދިރިއުޅުމުގައި ގިނަ ވަގުތު ހޭދަކުރާ ތަނެވެ. މި މާޙައުލުގައި ވެސް ބައެއް ފަހަރު ކިތަންމެ ރަނގަޅަށް މަސައްކަތް ކުރިޔަސް، އެކަމުގައި އައިބު ފެންނާނެއެވެ.
މިސާލަކަށް، މުވައްޒަފަކު މަސައްކަތް ނިންމާފައި ހުށަހަޅައިފިނަމަ، އެކަމުގައި ކުދިކުދި ކުށްތައް ހޯދައި، އެކަން ބޮޑުކޮށް ދައްކައި، އެ މުވައްޒަފާމެދު ނޭދެވޭ ޚިޔާލު އުފެއްދުމަށް މަސައްކަތްކުރާނެއެވެ. އެ މުވައްޒަފާމެދު އެހެން މުވައްޒަފުންގެ މެދުގައި ނުރަނގަޅު ވާހަކަތައް ފަތުރައި، އޮފީހުގެ މާޙައުލުގައި އެ މުވައްޒަފަކު އެކަހެރިކުރުމަށް މަސައްކަތްކުރާނެއެވެ.
ޙަޤީޤަތުގައި މިފަދަ ޙާލަތްތަކުގައި އެ މުވައްޒަފަކު ކުރާ މަސައްކަތް ރަނގަޅު ވިޔަސް، ނުރުހުމުގެ ލޮލަށް އެކަން ނުފެންނާނެއެވެ. ހަމައެކަނި ފެންނާނީ އައިބުތަކެވެ. މިއީ ވަޒީފާގެ މާޙައުލުގައި ވަރަށް ގިނައިން ފެންނަ ކަމެކެވެ. އަދި މީގެ ސަބަބުން ގިނަ މުވައްޒަފުން ވަޒީފާގެ މާޙައުލުގައި ހިތްހަމަނުޖެހުމާއި ކަންބޮޑުވުން އިޙްސާސްކުރެއެވެ.
ތަޢުލީމީ ދާއިރާގައި ވެސް މިފަދަ ޙާލަތްތައް ވަރަށް ގިނައިން ފެނެއެވެ. މިސާލަކަށް، ދަރިވަރަކާމެދު މުދައްރިސަކު ނުރިހިއްޖެނަމަ ، އެ ދަރިވަރަކު ކިތަންމެ ރަނގަޅަށް ކިޔެވިޔަސް، މަސައްކަތްތައް ނިންމިޔަސް، އިމްތިޙާނުތަކުން ރަނގަޅު ނަތީޖާ ހޯދިޔަސް، އެކަމުގައި އައިބު ފެންނާނެއެވެ.
އަދި ހަމައެހެންމެ، ދަރިވަރުންގެ މެދުގައި ވެސް މިފަދަ ކަންކަން ފެނެއެވެ. ދަރިވަރަކާމެދު އެހެން ދަރިވަރުން ނުރުހިއްޖެނަމަ، އެ ދަރިވަރަކު ކިތަންމެ ރަނގަޅު ކަމެއް ކުރިޔަސް، އެކަމުގައި އައިބު ހޯދައި، އެކަން ބޮޑުކޮށް ދައްކައި، އެ ދަރިވަރަކާމެދު ނޭދެވޭ ޚިޔާލު އުފެއްދުމަށް މަސައްކަތްކުރާނެއެވެ.
މިފަދަ ޙާލަތްތަކުގައި ދަރިވަރުން ވަރަށް ބޮޑަށް ހިތްހަމަނުޖެހުމާއި ކަންބޮޑުވުން އިޙްސާސްކުރެއެވެ. ބައެއް ފަހަރު މިފަދަ ކަންކަމުގެ ސަބަބުން ދަރިވަރުން ކިޔެވުމަށް ޝައުޤުވެރިކަން ގެއްލި، ކިޔެވުން ހުއްޓާލުމަށް ވެސް ނިންމައެވެ. މިއީ ވަރަށް ހިތާމަވެރި ކަމެކެވެ.
ދިރިއުޅުމުގައި އަޅުގަނޑުމެން ކުރާ ކޮންމެ ކަމަކީ ހުރިހާ އެންމެންނަށް ރުހޭ ކަމަކަށް ނުވާނެއެވެ. އަދި ހުރިހާ އެންމެން ގަބޫލުކުރާ ގޮތަކަށް ކަންތައްތައް ނުކުރެވޭނެއެވެ. ކިތަންމެ ރަނގަޅަށް ކަންތައް ކޮށްފައިވީނަމަވެސް، ނުރުހުމުގެ ލޮލަށް ފެންނާނީ ހައްތަހާވެސް އައިބެވެ. ނުރުހުމުގެ ލޮލުން އައިބު ފެންނާނީ، ރުހުމުގެ ލޮލުން އައިބު ނުފެންނާނެއެވެ. އެއީ ކޮންމެ ބަޔަކު ކުރިޔަސް މެއެވެ.
ނުރުހުމާ ކުރިމަތިލުމުގައި އަޅުގަނޑުމެން ގެންގުޅެންވީ ހަރުދަނާ ގޮތްތަކަކީ އަމިއްލަ ނަފްސަށް ޔަޤީންކަން އިތުރުކުރުމާއި، ހަރުދަނާ މުވާސަލާތު ޤާއިމުކުރުމާއި، އަމިއްލަ މަސައްކަތުގައި ފުރިހަމަކަން ހިފެހެއްޓުމާއި، ނުރުހުމުގެ ސަބަބު ދެނެގަތުމާއި، ކެތްތެރިކަން ގެންގުޅުމެވެ. މިފަދަ ގޮތްތައް ގެންގުޅުމުން، ނުރުހުމުގެ ސަބަބުން ލިބޭ އުނދަގޫތަކުން ސަލާމަތްވުމަށް ފަސޭހަވާނެއެވެ.
ނުރުހުމުގެ ލޮލަށް ހުރިހާ ކަމެއްގައި އައިބު ފެނުނަސް، އަޅުގަނޑުމެން އަމިއްލަ މަސައްކަތް ފުރިހަމައަށް ކުރަމުން ގެންދިއުމަކީ ވަރަށް މުހިންމު ކަމެކެވެ. އެހެނީ، އަޅުގަނޑުމެން އަމިއްލަ ނަފްސާމެދު ޔަޤީންކަން އޮތުމާއި، އަމިއްލަ މަސައްކަތުގައި ފުރިހަމަކަން ހުރުމަކީ ނުރުހުމުގެ ސަބަބުން ލިބޭ އުނދަގޫތަކުން ސަލާމަތްވުމަށް އެޅޭ ވަރަށް ބޮޑު ފިޔަވަޅެކެވެ.
ރިއެކްޓް އަދި ކޮމެންޓް ކުރެއްވުމަށް
